(今日發現 2018/08/30 舊文中的連結失效，重 PO 本文更新連結，順便增加音例)
#BK03
▍臺語口音賞 ▍(03) KHER⋯KUÈ ▍
#請指認自己的臺語口音！口音A？口音B？口音C？
❍ 我都唸月娘，但我朋友都唸月娘，只有我爸唸 ikea。
－－ － － － － － － － －－
一‧《月娘啊！聽我講》( https://youtu.be/5v91-zqxcOY )：「月(gue̍h)娘予我拜託」「𪜶兩人的月(gue̍h)當圓」。
二‧《天頂的月娘啊》( https://youtu.be/WU5s4AdKYx0 )：「天頂的月(ge̍h)娘啊」。
三‧《月夜愁》( https://youtu.be/Uw8lB93RKVI )：「月(ge̍rh)色照在」「怨嘆月(ge̍rh)暝」「憂愁月(ge̍rh)暝」「無聊月(ge̍rh)暝」。
－－ － － － － － － － －－
▩【口音A】〔-ue〕：
三歲[huè]．月[gue̍h]娘．過[kuè]年．說[sueh]多謝
(普通腔臺語、漳風語音)
▩【口音B】〔-e〕：
三歲[hè]．月[ge̍h]娘．過[kè]年．說[seh]多謝
(輕泉風語音、輕同安風語音)
▩【口音C】〔-er〕：( er 發音為 /ə/ )
三歲[hèr]．月[ge̍rh]娘．過[kèr]年．說[serh]多謝
(泉風語音、同安風語音)
－－ － － － － － － － －－
－ 音檔 ↓↓↓ － － － － － －－
( 文字可查辭典 https://goo.gl/7Ky6ZH )
◆◆ 例一【歲】（huè / hè / hèr）
«A01»〔 http://bit.ly/3mVB6Ay 〕：啊我 20「歲」(huè) 就離婚矣，彼个時陣我有 1 个囝，啊轉去，啊就是因為阮老爸共我講 1 句話……
«B01»〔 http://bit.ly/3n1Rmjt 〕：這 60「歲」(hè) 的時陣去主持節目，人講臺灣上老的主持人矣。
«C01»〔 http://bit.ly/3n1PsiP 〕：所以有時仔講人彼遐濟「歲」(hèr) 都咧行矣，咱閣比……，減伊幾若十「歲」(hèr) 閣毋行，嘛是袂用得，1 年 1 遍爾，嘿。
◆◆ 例二【吹】（tshue / tshe / tsher）
«A02»〔 http://bit.ly/2JFI7XK 〕：「吹」(tshue) 風機，啊去共插咧插座。
«B02»〔 http://bit.ly/3561ZeV 〕：外口熁燒氣，入門「吹」(tshe) 冷氣！感冒，頭真疼！友露安，配燒滾水。
«C02»〔 http://bit.ly/3lbzylk 〕：我 90 歲，猶毋捌放著風「吹」(tsher) 咧。袂䆀、袂䆀，誠好耍！
◆◆ 例三【粿】（kué / ké / kér）
«A03»〔 http://bit.ly/3p6YTzp 〕：啊若欲做包仔「粿」(kué) 就毋免攏尖仔秫啦，一半尖仔秫、一半蓬萊秫，按呢較拄好啦。
«B03»〔 http://bit.ly/2U7ubYt 〕：鹼仔「粿」(ké) 喔？喔，彼阮翁上愛！這啦，啊油蔥「粿」(ké) 啦。油蔥「粿」(ké)，著啦，古早味。喔，阮翁是愛食鹼仔「粿」(ké)。
«C03»〔 http://bit.ly/3laGIq6 〕：啊伊會講我做紅龜，做幾若十年，咧等恁來，做包仔「粿」(kér)，乎。
◆◆ 例四【炊】（tshue / tshe / tsher）
«A04»〔 http://bit.ly/2IiHrGZ 〕：攏是用按呢，上簡單的方法，攏是用 lue̋ [落去]「炊」(tshue) 的抑是煎的。
«B04»〔 http://bit.ly/38jdYYF 〕：這馬欲共囥 lő [落去]「炊」(tshe) 矣，啊「炊」(tshe) 的時陣乎……
«C04»〔 http://bit.ly/3p7OaES 〕：甜粿歹「炊」(tsher) 甲，驚仔「炊」(tsher) 袂熟就死喔！
◆◆ 例五【火】（hué / hé / hér）
«A05»〔 http://bit.ly/3laVOvP 〕：坐咱的「火」(hué) 車，啊嘛會當來遮乎，按呢乎，播一下、播一下乎，酒若去予你播著乎，這罐就你的矣啦，乎。
«B05»〔 http://bit.ly/36uU22D 〕：啊坐「火」(hé) 車，看風景。
«C05»〔 http://bit.ly/2U94Kpm 〕：我看你人都無偌重，啊講話乎，「火」(hér) 車嘛載無法伊。
◆◆ 例六【飛】（pue / pe / per）
«A06»〔 http://bit.ly/3p7l4W7 〕：空氣定定遐䆀，甲毋是你遐「飛」(pue) 來的？抑無，是佗位「飛」(pue) 來的？
«B06»〔 http://bit.ly/3l5dkBw 〕：啊都彼海沫乎，水淹來，啊就「飛」(pe) 起來啦，毋是講真正是落雪啦。
«C06»〔 http://bit.ly/38m8cFD 〕：我姓陳，今仔日才對臺北遐「飛」(per) 來，乎。
◆◆ 例七【皮】（phuê / phê / phêr）
«A07»〔 http://bit.ly/359wuAU 〕：紅甘蔗，人削彼……削掉、無愛的這个「皮」(phuê)，乎，啊「皮」(phuê) 我就共……
«B07»〔 http://bit.ly/36i6uCn 〕：彼身體乎，敢若佇咧崩盤咧！連鞭乎，「皮」(phê) 膚䆀，啊跤骨閣無力。
«C07»〔 http://bit.ly/2Ih69b9 〕：『廣源良』照顧咱幾年冬，予咱「皮」(phêr) 膚媠噹噹，閣無負擔。
◆◆ 例八【髓】（tshué / tshé / tshér）
«A08»〔 http://bit.ly/3nghyXV 〕：法，毋是干焦水爾爾，應該呢，足親像「髓」(tshué)！
«B08»〔 http://bit.ly/32FNMUD 〕：你看，你看伊這骨頭敢若像彼鐵枝。你看，啊內底這骨「髓」(tshé)，這才是勇。
«C08»〔 http://bit.ly/36abARi 〕：這頭腦的……，內頭的「髓」(tshér) 攏無矣，啊一个空空，一个空空。
◆◆ 例九【尾】（bué / bé / bér）
«A09»〔 http://bit.ly/35dS3Al 〕：成矣乎，就共你斬稻仔「尾」(bué) 啦，啊尤其 tshīn [親像] 我啦乎，舊年共咱起訴……
«B09»〔 http://bit.ly/2IjsXXP 〕：倒矣！你欲按怎大葩「尾」(bé)？予銀行去封啦！
«C09»〔 http://bit.ly/2IheafS 〕：啊「尾」(bér) 仔，煞驚才走。
◆◆ 例十【和】（huê / hê / hêr）
«A10»〔 http://bit.ly/3p8TTuc 〕：哼！啊我無愛生囝，我欲 la̋i [來去] 做「和」(huê) 尚。
«B10»〔 http://bit.ly/3kidzbr 〕：糊塗的歌攏予你唱了了矣，啥物《糊塗的「和」(hê) 尚》啦、《糊塗的總舖師》、《糊塗的裁縫師》。
«C10»〔 http://bit.ly/3pb8W6k 〕：原來啊，這个「和」(hêr) 尚啊，四界化緣，四界按呢集資。
◆◆ 例十一【過】（kuè / kè / kèr）
«A11»〔 http://bit.ly/2Ijr1hY 〕：「過」(kuè) 去，因為我知影！
«B11»〔 http://bit.ly/357dTFm 〕：啊，「過」(kè) 去，臺北市呢，對黃大洲、陳水扁……
«C11»〔 http://bit.ly/3lcuwFf 〕：肥料補助，「過」(kèr) 去，市政府攏無，我就一直爭取講肥料愛補助農民。
◆◆ 例十二【月】（gue̍h / ge̍h / ge̍rh）
«A12»〔 http://bit.ly/2JCDRIv 〕：新曆七「月」(gue̍h) 三十一。
«B12»〔 http://bit.ly/38lAgsP 〕：這是六「月」(ge̍h) 二七，有 1 个同事講伊看 3 擺。
«C12»〔 http://bit.ly/32lTOcQ 〕：十「月」(ge̍rh) 二十六，下晡 6 點，乎，拜託逐家來捀場。
◆◆ 例十三【欲】（bueh / beh / berh）（boh）
«A13»〔 http://bit.ly/2IkJ0Ek 〕：恁「欲」(bueh) 無？無愛！啊無愛，賰 2 個連月爾，較艱苦嘛閣擋 2 個外月爾！
«B13»〔 http://bit.ly/3eBPgDX 〕：謼！我嘛「欲」(beh) 啊！
«C13»〔 http://bit.ly/3n7YAlR 〕：咱臺灣將來「欲」(berh) 較發達，抑是「欲」(berh) 較退步？
◆◆ 例十四【揣】（tshuē / tshē / tshēr）
«A14»〔 http://bit.ly/3561MIF 〕：鼻著彼个味，直直「揣」(tshuē)、「揣」(tshuē)、「揣」(tshuē)。
«B14»〔 http://bit.ly/3kibYlX 〕：家己愛先「揣」(tshē) 資料來研究。
«C14»〔 http://bit.ly/32rJksq 〕：愛先查看你有前科無！結果查轉來，共我講：啊！清清氣氣，臺北縣「揣」(tshēr) 無這款人！
◆◆ 例十五【綴】（tuè / tè / tèr）
«A15»〔 http://bit.ly/2U4EQmR 〕：這个因果循環，一定「綴」(tuè) 你「綴」(tuè) 甲永永遠遠！這个業障呢、這个惡果呢，一定會「綴」(tuè) 你的身軀邊。
«B15»〔 http://bit.ly/2I61yJ5 〕：「綴」(tè) 你行，袂要緊，但是「綴」(tè) 你行，你愛予我好生活。
«C15»〔 http://bit.ly/32qYMVs 〕：阮彼孫仔嘛誠愛「綴」(tèr) 啊，伊若、伊若聽著講佇佗……
－－ － － － － － － － －－
※註❶ 本分類口音差例字：
風「飛」沙 (pue/pe/per)、「菠」薐仔 (pue/pe/per)、「掰」頭毛 (pué/pé/pér)、「褙」箔 (puè/pè/pèr)、「賠」錢 (puê/pê/pêr)、加「倍」(puē/pē,pě/pēr,pěr)、「焙」茶 (puē/pē/pēr)、愛哭「胚」(phue/phe/pher)、紙「坯」(phue/phe/pher)、「配」飯 (phuè/phè/phèr)、玻璃「杮」(phuè/phè/phèr)、面「皮」(phuê/phê/phêr)、蓋「被」(phuē,[phueh]*/phē,phě,[pheh]*/phēr,phěr)、雪文「沫」(phue̍h/phe̍h/phe̍rh)、頭「尾」(bué/bé/bér)、「欲」抑毋 (bueh/beh/berh/[boh]*)、猶「未」(buē/bē/bēr)、「襪」仔 (bue̍h/be̍h/be̍rh)、「綴」路 (tuè/tè/tèr)、「果」子 (kué/ké/kér)、菜頭「粿」(kué/ké/kér)、「跂」跤 (kué/ké/kér)、「過」年 (kuè/kè/kèr)、雞「髻」(kuè/kè/kèr)、鮢「鱖」魚 (kuè/kè/kèr)、「蕨」貓 (kueh/keh/kerh)、姓「郭」(kueh/keh/kerh)、工「課」(khuè/khè/khèr/[khìr]*/[khì]*)、屎「缺」(khueh/kheh/kherh)、「瘸」手 (khuê/khê/khêr)、「葵」扇 (khuê,khue/khê,khe/khêr,kher)、「月」中 (gue̍h/ge̍h/ge̍rh)、「鍋」仔 (ue/e/er)、「萵」仔菜 (ue/e/er)、「穢」人 (uè/è/èr)、厚「𥢶」(ue̍h/e̍h/e̍rh)、石「灰」(hue/he/her)、放「火」(hué/hé/hér)、家「伙」(hué/hé/hér)、「夥」計 (hué/hé/hér)、三「歲」(huè/hè/hèr)、送「貨」(huè/hè/hèr)、「回」批 (huê/hê/hêr)、「和」尚 (huê/hê/hêr)、「會」失禮 (huē/hē/hēr)、蘆「薈」(huē/hē/hēr)、盹瞌「睡」(tsuē/tsē/tsēr)、「吹」電風 (tshue/tshe/tsher)、「炊」便當 (tshue/tshe/tsher)、骨「髓」(tshué/tshé/tshér)、球「箠」(tshuê/tshê/tshêr)、「揣」人 (tshuē/tshē/tshēr)、厝「稅」(suè/sè/sèr)、穢「涗」(suè/sè/sèr)、「說」多謝 (sueh/seh/serh)、頕「垂」(suê/sê/sêr)、「挼」目睭 (juê,luê/jê,lê/jêr,lêr)。
※註❷ 於《彚集雅俗通十五音》中，〈檜〉所表的【韻母】為〔ue〕(
#臺語口音賞 #No3_KHERxKUÈ
蘆 洲 紅 龜 粿 在 萬星粿店 的推薦與評價
#發糕 #麻糬 #圓仔 #芋粿巧 #紅龜粿 #草仔粿 #港式蘿蔔糕 #鹹甜年糕 #黑糖年糕 ... 這次想分享的是在三重一間經營超過60年的萬星粿店，過去可是三重、蘆洲最大的製粿 ... ... <看更多>